REGATISIMA DO BAO "A REGATA"

O longo dos días previos a meiga do vento pronosticaba unha forza 4 para a hora de regata, a verdade e que non poido ser mais diferente, a hora da saida unha "placida" calmería facía que o sol dorara sen piedade as cabezas de todos é decir, en argot, unha "solleira" de primeira. O sea que, pronostico a tomar vento !!!.

A regata saeu no medio de esa desesperante situación, Dorado que tras ser o primeiro en armar, con diferencia, e que se veu afectado porque o temón non lle entraba, incluso "Chica" tivo que tirarse o mar, decía que non tiña importancia pois ninguén podía "irse".

Así as cousas oubo duas opcións na saida, os que foron cara a Vilanova, para virar no medio e os que foron cara a Riasón e tratar de pillar a boia que estaba o Norte da Escola, antes das bateas.

Por momentos no medio de esa calmería uns iban o outros viñan tratando de buscar o refacho que inflara a vela, nun principio calquera apostaría polos que foron buscar o vento cara a Vilanova, pero foron os que optaron por unha acción intermedia saida cara Vilanova e doblando rapido a Riasón os que pasaron primeiro: Bazarra, Jalerna, Caracola, Xarandeira e Necora en moi pouco espacio, ata esta boia unha bolina, da boia o paso de embarcacións pola Ponte unha popa, que matizaría distancias, logo o paso pola ponte e un rumbo a un largo que supuxo o paso pola batea de vixiancia que Xarandeira adiantara a Caracola e presionaba a Jalerna e Bazarra, así no rumbo de volta cara a ponte a Jalerna marcaba unha diferencia clara, perseguida, por Xarandeira, Bazarra, Maristela, Pereka, Cariñosa.

Pero en esto chegou o convidado que ninguen esperaba, eran o redor das 17,00 h., mareas vivas moi vivas de un coeficiente de 3,9 m. unha sinon a mais alta marea do ano e no Bao, baixo a Ponte a marea ten unha forza impresionante motivada polas columnas e a necesidade de pasar por entre elas.

A Jalerna viña de primeira, detrás .... e ahí escomezou a historia de novo, entre boias, columnas, dornas que aindan pasaban, e forte correntada a jalerna non da pasado, a Bazarra intentao como pode, cruzan primeiro a ponte cara o Bao a Xarandeira e a Maristela. E cousas do destino, a Maristela cruza segunda, mentras a Jalerna manobraba e voltaba a manobrar, mais entre a correntada e as dornas que ainda pasaban vese abocada a zafarse do pilar axudandose das mans o que lle supuxo unha virada de sanción e quedar outra vez sen pasar a ponte, rematabase a regata polos primeiros postos para esta dorna, Claudio en terra lamentabase amargamente.

Zafados da Ponte os primeiros eran Jalerna, Xarandeira, Bazarra e Cariñosa detrás outro grupo, Forza R, Perka .... e despois o resto, que de un xeito mais ou menos divertido loitaba por facer os rumbos en contra da temida correntada. Por estas o vento xa tiña aumentado, e sin ser forte, permitía unha navegación clara e rapida, ainda que de cando en vez algún que outro refacho daba sorpresas. Poderíamos decir que a regata entrou nunha situación de impas ata a volta seguinte, como decía o vento era o mesmo para todos non tiñamos ningún rumbo dificil e simplemente as dornas acercabanse ou alonxabanse sen repercusión de importancia. Si todo así ata o tramo final.

Quedaba a temida segunda volta e decir voltar a pasar pola Ponte coa correntada en contra. Nos adiantamos na navegación e imos o paso da batea de vixiancia, praia Sur do Bao. Parecía que casi todo estaba vendido. Xarandeira-Jalerna-Cariñosa disputaríanse os tres primeiros postos, esa era a emoción, detrás: Pereka, Bazarra, Forza R, Necora, Larpeira e un rosario ata a última.

A aproximación a Ponte era tensa, Xarandeira, Jalerna e Cariñosa, por este orden, trataban de imaxinar o cambio para non padecer contra as columnas, ninguén dos tres tiña ollo para outra cousa.

A Xarandeira fai a primeira aproximación cando de repente pegada a Ponte, tapada polo sol de fondo aparece unha dorna nunha forte bolina, dereita, decida e con forza, quen é?, detrás veñen outras dúas, coa mesma decisión.

Cruzan a Ponte, 1º Bazarra, 2º Forza R, 3º consigue ser a Xarandeira, 4ª a outra "intrusa" a Pereka e 5ª a Jalerna. Xa ninguén a moveu, da Ponte a Praia do Bao unha tensa espera hasta celebrar a posición. Fantastica bolina de Bazarra, Forza R e Pereka que mais arrimadas a Ponte aproveitaron un refacho que sorprendeu os "escapados", que lles permiteu arrimarse para facer o cambio con velocidade e non verse enrredados pola correntada. Magnifica a regata da Jalerna, onde Ricardo e Cartarola, estiveron sempre diante, non menos a Xarandeira, e de quitar o sombreiro a reacción final dos gañadores que souperon leer a regata e aproveitandose da marcaxe que levanban os destacados, coláronse para gañar.

Quen daba mais?

RECORDOS E AGRADECEMENTOS.

Xa pasou Muros, nun vira-vira, a algúns nin nos deixou palpalo, demasiado para pouco tempo, e o que hai, e ademais e bon, recordoume a Combarro, A Illa, Cambados a Ferrol, no mesmo, tes tanta ilusión por estar e disfrutar que apenas te decataches xa pasou, os amigos xa voltaron a onde día a día fan a súa vida e soio quedan os recordos, hoxe gracias a estas andromenas dos blogues parace que todo dura un pouco mais, alargan a vivencia e permiten disfrutalo mais, ainda que a verdade xa pasou e soio nos queda a ilusión da seguinte, do seguinte para recibir a esa marea de aquí e de ala, ainda que a verdade e que os de aquí temos a grande fortuna de vernos, divulgando e practicando e dinamizando cultura nun e noutro sitio da nosa Galicia, si ir mais lexos este fin de semán do 25 de xullo en Monforte, logo Bueu, Combarro, Ferrol e non digamos nada das regatas de dornas, ainda lembro as 62 da 25 Volta a Illa de este ano. Sempre penso que estan moi pouco recoñecidas.

Tamén despois de esto, gustame lembrar o impresionante esforzo de moitos por vir, en estar, en buscar por aquí e por ala medios de transporte, incluso do traballo escuro de estar preparado e asistir aquí e ala, sen medallas, sen mais, o que teñen e unha impresionante colección de camisetas, a esos que moitas veces o barco lle fai mais km. por estrada que o computo de millas de navegación. Os montastands, os carrexacousas, os faiexposcicións, os montaexposicións, os vaiali ou vaiala os o que faga falta que sempre están, nunca traballan para ganar cartos?.

Os que cando o esforzo polo colectivo e necesario, sempre están, "os irreductibles" a "garda pretoriana" do noso movemento (a min pareceme así), ese que tantas veces impresiona sobre todo fora da nosa Galicia, ese que -perdoade pola deformación- está o redor de unhas siglas F.G.C.M.F., as veces dificiles de pronunciar, pero soio e cuestión de acostumbrarse, ACOSTUMBRARSE A TRABALLAR EN COLECTIVO, e traballar pola cultura do noso pais e o beneficio de todos nos, sen mais.

Por eso agora vou recordar, os que non saen nos blogues e que foron motores para xenerar a experiencia que fai que cada Encontro trate de superar a outro, ainda que o final que mais da!!. Uns gañan nunhas, outros en outras, todos son gañadores, polo esforzo de quen os leva a adiante. Estou seguro que o seguinte sexa onde sexa, sera o meior. Porque os que tan ben aconsellaron Muros e contribuiron o seu desenvovemento, estiveron escuramente por atrás sen sair en paxinas nin situacións seguirán a estar, e seguiran a votar unha man e como digo facer que a seguinte ... , grazas escuros, que ben se ve o voso traballo, é o nucleo duro da F.G.C.M.F.

Quero recordar o que para min foron ausencias de este Encontro.

Dúas persóas dos irreductibles que por mor do traballo non poideron vir. Eu votei de menos a JOAO, o noso Joao P. Baptista a súa catraia a Nsa. Sra. da Agonía, a él a súa dona Paula e os seus fillos. Cantos Km. Joao ? ten esa Catraia, cantos km. teñen as carrinhas de Joao?, en reunións e Encontros e Xuntanzas.

Tamén votei en falta JORGE, Jorge Lorenzo, e Ana, na miña retina as imaxes da LUI, pendurada a 5 m. ou 6. con forza 8 da tramontana de Cadaques ou de él mais Ana bogando na regata de remos de Cambados, ou de .... percorrendo toda Galicia.

Non me esquencín da Lancha Xeiteira dos Galos, que non poido vir, o traballo que fan os Galos, ten como froito unhas fermosas embarcacións, que cando non están, nótase.

Para mín foi a gran ausente: a "FE EN DEUS", sempre en cada Encontro esperamos a "Fe en Deus", Ribeira o Grove .... Cambados, en Ferrol persigueunos a mala sorte, ali tamén lembramos o ilustre Manoel Lopes, en Muros non poideron vir. Votamosvos de menos.

Tampouco poido subir a "Nova Jorita", habería de lucir ben.

E deixei para o final auns que lles costa un ril subir, uns chavales que bogan por Pedregalejo, con ilusión, a mesma coa que loitan por salvar o seu patrimonio, a "la gente del rebalaje"os "javegotes" Alfonso, Fernando, Rafael ... levame a paixón por "Rosario e Ana" que bonita lancha de javega, nunca poderei esquencer a primeira vez que a vin navegar, foi en Cambados. Unhas semáns antes, falaba con eles e decianme que non virían, o xoves, deixaban un oco para a tolemia decindome que igual, pero o sentidiño foi mais.

E para remate, o recordo tamén para o "barco de dornas" ese que indo para representar a Galicia, saeuse da estrada e desfixose. Os nosos compañeiros de Barcas non lle pasou nada, Belen luceu un fermoso coiarín que ainda lle da voltas hoxe e Fernando xa estaba a traballar por Muros.

De seguro que me esquezo de alguén que me perdóe.